TAMPILISAN, Zamboanga del Norte — Malampusong gipahigayon sa LDRRMO Tampilisan ang ikaduhang batch sa tulo ka adlaw nga Rapid Damage Assessment and Needs Analysis (RDANA) Training niadtong nilabay nga adlaw sa Municipal Conference Room.
Gitambongan kini sa mga representante gikan sa Barangays Banbanan, Galingon, Farmington, Lawaan, Lumbayao, ug New Dapitan aron mapalambo ang ilang kahibalo ug abilidad sa disaster assessment ug emergency response.
Gipangulohan ang maong pagbansay ni LDRRMO V Richard T. Loredo kauban ang MDRRMO personnel ug mga RDANA instructors gikan sa Municipal Engineering Office, GSO, Assessor, Budget, MCR, ug RHU nga nagtudlo sa mga partisipante sa tukmang pamaagi sa pag-assess sa kadaot ug panginahanglan panahon sa kalamidad.
Aktibong miapil sa training ang mga Barangay Captains, BDRRM Officers, secretaries, BNS, BHW, ug Chief Tanods isip kabahin sa pagpalig-on sa kahandam ug resiliency sa matag komunidad batok sa mga kalamidad.(JENIFFER JR. DELICA)
Source: LDRRMO Tampilisan