DIPOLOG CITY — Nagdagsa ang mga manan-aw ug “banca” racing enthusiasts sa Dipolog Boulevard atol sa culmination ug awarding ceremony sa 27th P’gsalabuk Festival Bancathon Race niadtong Mayo 16, 2026.
Gipangulohan sa City Government of Dipolog pinaagi sa City Tourism Office uban sa City Agriculture Office, ang maong kalihokan nagpakita sa kusog, abilidad, ug panaghiusa sa mga partisipante samtang gipasiugda usab ang lokal nga maritime culture sa siyudad.
Sa Open Panagatan Category, nasungkit ni Ruben T. Buot sakay sa “3 Kings” uban sa rider nga si Jason Bayaras ang kampeonato ug ₱30,000 nga premyo. Gisundan kini nila Nill Jade Javier sa “Lord Patawad” isip 1st Runner-Up, Hermegildo C. Paglalunan sa “GStech” isip 2nd Runner-Up, ug Juneight P. Moroscallo sa “Junweight” isip 3rd Runner-Up.
Sa Open Formula Category, nidaog isip champion si Rodman DP. Fernandez sa “Blackmamba Airblade” uban sa rider nga si Carl Fernandez ug nakadaog og ₱50,000. Nakuha usab sa “Bunkatapis” team ni Mark S. Tumpag ang sunod nga mga pwesto pinaagi nila Jason Bayaras ug Ivan Delmo isip riders.(JENIFFER JR. DELICA)
Source: Dipolog City Government