Seguridad ug kahandam sa panahon sa kalamidad ang gipalig-on sa Roxas Municipal Police Station (MPS) pinaagi sa pag-apil sa selebrasyon sa National Disaster Resilience Month 2026 sa Barangay Langatian, Pres. Manuel A. Roxas, Zamboanga del Norte.
Gipangulohan ni PCPT Eduardo C Galo, OIC sa Roxas MPS, ang partisipasyon sa kapulisan isip kabahin usab sa pagsaulog sa ika-31 nga Police Community Relations (PCR) Month.
Atol sa kalihokan, naghatag ang Roxas MPS og impormasyon kabahin sa disaster preparedness, emergency response, ug mga pamaagi sa pagpanalipod sa komunidad aron mas andam ang mga residente sa pag-atubang sa mga emerhensiya ug kalamidad.
Gitambongan ang programa sa mga opisyal sa Barangay Langatian ubos sa pagpanguna ni Punong Barangay Isagani G. Binondo, mga representante sa MSWDO Roxas, mga stakeholder, ug mga miyembro sa komunidad.
Pinaagi sa maong kalihokan, gipalig-on usab ang panaghiusa ug kooperasyon tali sa kapulisan ug komunidad alang sa mas luwas ug mas lig-on nga katilingban.(IKEN B. GULLEM)
Source: PNP Pres Manuel A. Roxas Municipal Police Station