Gibuksan sa Lokal nga Panggamhanan sa Liloy ang bag-ong panagway sa municipal food truck isip kabahin sa inisyatiba ni Mayor Roberto Lim Uy Jr. sa pagpalambo sa promosyon sa lungsod.
Gilaraw ang bag-ong branding aron ipakita ang katahom, kultura ug identidad sa Liloy, samtang gihimo ang food truck nga usa ka pamaagi sa pagpasundayag sa mga produkto ug atraksyon sa munisipyo.
Gilauman nga makatabang ang maong food truck sa pagpalambo sa turismo ug sa pagpakilala sa Liloy sa nagkalain-laing kalihokan sulod ug gawas sa lungsod.
Kabahin kini sa padayon nga paningkamot sa Lokal nga Panggamhanan sa Liloy sa pagpalig-on sa lokal nga identidad ug pagdasig sa mga inisyatiba nga makapasiugda sa munisipyo.(JENIFFER JR. DELICA)
Source: Municipality of Liloy