Gipasidunggan ang Roxas Municipal Police Station (MPS) isip “Best of the Best” sa Class B Category sa Zamboanga del Norte Police Provincial Office (ZNPPO) alang sa bulan sa Mayo 2026.
Matod sa kapulisan, ang maong pasidungog usa ka pag-ila sa ilang kakugi, disiplina, integridad, ug dedikasyon sa paghatag og kalidad nga serbisyo publiko ug pagmintinar sa kalinaw ug kahapsay sa lungsod.
Gipasalamatan usab sa Roxas MPS ang mga residente ug stakeholders sa lungsod tungod sa ilang padayon nga pagsalig, kooperasyon, ug suporta sa mga programa sa kapulisan.
Dugang pa nga ang kalampusan sa pagpatuman sa kalinaw ug kahapsay dili mahimo sa kapulisan lamang, kondili pinaagi sa aktibong partisipasyon ug panaghiusa sa komunidad.(IKEN B. GULLEM)
Source: PNP Pres. Manuel A Roxas Municipal Police Station