Gihisgutan ang mga kasamtangan ug umaabot nga mga inisyatiba sa feeding program atol sa courtesy visit ni Darcilyn A. Timpalan, Project Development Officer I sa Protective Services Division–Supplementary Feeding Program (SFP), ngadto kang Mayor Roberto Y. Uy sa City Mayor’s Office niadtong Hunyo 8, 2026.
Kauban sa maong panagtigom sila City Social Welfare and Development Officer Patrick S. Jalapadan ug Assistant City Social Welfare and Development Officer Jovencia D. Gregory. Nakasentro ang ilang diskusyon sa mga programa nga nagtumong sa pagpalambo sa nutrisyon ug kahimsog sa mga kabataang benepisyaryo sa Dakbayan sa Dipolog.
Gipasiugda usab sa maong pagbisita ang padayon nga panagtambayayong tali sa mga ahensya sa social welfare ug sa City Government of Dipolog aron mapalig-on pa ang mga programa nga nagsuporta sa kahimsog, hustong nutrisyon, ug kinatibuk-ang kalamboan sa mga batan-ong Dipolognon.(IKEN B. GULLEM)
Source: Dipolog City Government