Nagmalampuson ang pagpahigayon sa Roxas Job Fair 2026 pinaagi sa panagtinabangay sa Lokal nga Panggamhanan sa Roxas, Public Employment Service Office (PESO), Department of Labor and Employment (DOLE), Department of Migrant Workers (DMW), ug Department of Social Welfare and Development (DSWD), niadtong Hunyo 16, 2026 sa Roxas Municipal Gymnasium.
Gitigom sa maong kalihokan ang mga nangitag trabaho ug mga partner employers aron mahatagan og higayon ang mga aplikante sa pagsusi sa anaa nga mga bakanteng trabaho, pagpasaka sa ilang mga aplikasyon, ug pagpakigkita direkta sa mga mahimong amo.
Kabahin usab sa kalihokan ang Orientation on Anti-Illegal Recruitment and Trafficking in Persons, diin gipahimangnoan ang mga partisipante sa mga pamaagi sa paglikay sa iligal nga recruitment ug human trafficking, samtang gipalig-on ang ilang kahibalo sa luwas ug legal nga pagpangita og trabaho.
Pinaagi sa padayon nga paningkamot sa lokal nga panggamhanan ug sa mga kaabag nga ahensya, nagpadayon ang Munisipyo sa Roxas sa paghatag og mas daghang oportunidad sa panginabuhian ug pagpalambo sa kahimtang sa kinabuhi sa iyang mga lumulupyo.(IKEN B. GULLEM)
Source: MSWDO PRES MA. ROXAS