Nagpatuman og checkpoint operation ang Dapitan City Police Station niadtong Valentine’s Day aron masiguro ang kaluwasan ug kahapsay sa komunidad. Ang kalihokan gipangulohan ni PLTCOL Eva Joy E. Capurcos, Chief of Police.
Gawas sa regular nga inspeksyon, namahagi usab ang mga pulis og Valentine’s balloons ngadto sa mga motorista, drayber, ug pasahero isip simbolo sa maayong kabubut-on ug pagpasalamat sa publiko.
Sumala sa kapulisan, ang inisyatibo kabahin sa ilang paningkamot nga dili lamang magmintinar sa kalinaw ug kahapsay kundili mapalig-on usab ang relasyon tali sa pulis ug komunidad. Gidala sa mensaheng “Your safety is our greatest Valentine.” ang tumong sa operasyon nga pagpalambo sa kaluwasan uban sa diwa sa gugma ug pagrespeto.(JENIFFER JR. DELICA)
Source: Dapitan City Police Station ZNPPO