Gipahigayon sa Barangay Villa M. Tejero ang Participatory Risk and Vulnerability Assessment (PRVA), diin natino ang mga lugar nga adunay potensyal nga hulga sa kalamidad isip kabahin sa pagpalig-on sa disaster preparedness sa komunidad.
Lakip sa mga kalihokang gipahigayon ang community profiling kauban ang Barangay Development Council (BDC), community walk-through, ug risk mapping aron maila ang mga peligro ug mahimong basihan sa pagplano sa mga lakang sa pagpakunhod sa risgo.
Atol sa community walk-through, nadiskobrehan ang duha ka sinkhole sa District 4 nga nahimutang duol sa usa ka naglihok nga elementarya. Giila usab nga tsunami-prone area ang ubos nga bahin sa barangay, nga gibanabanang mahimong makaapekto sa mokabat sa 80 ka panimalay.
Ang maong assessment gipatuman pinaagi sa panagtambayayong sa Barangay Resilience Team (BResT), Area Coordinating Team (ACT), Municipal Coordinating Team (MCT), ug representante sa Municipal Resilience Team (MResT). Tumong niini ang paglig-on sa kahandam sa komunidad batok sa mga kalamidad ug pagpalambo sa mas luwas ug mas lig-on nga barangay.(IKEN B. GULLEM)
Source: Kalahi CIDSS Liloy