Dugang tabang sa ilang pagpadayon sa pag-eskwela ang nadawat sa 76 ka estudyante sa Salug human mahatagan sila sa ilang 40 porsyento nga bahin sa sweldo ubos sa Special Program for Employment of Students (SPES) sa Department of Labor and Employment (DOLE) niadtong Agosto 1.
Gipahigayon ang payout sa usa ka Pawnshop pinaagi sa PESO Salug ubos sa pagdumala ni PESO Manager Designate Mylyn Doria-Pañares.
Kini usa ka programa sa DOLE nga nagtugot sa mga estudyante nga makatrabaho sa temporaryong panahon aron makatigom og pondo alang sa ilang pag-eskwela.
Gidayeg usab sa LGU Salug ang padayon nga suporta sa DOLE Region IX ubos ni Regional Director Albert Gutib, ingon man ang pagpaluyo ni Municipal Mayor Dr. Ruth M. Brillantes sa mga programang nagpalig-on sa edukasyon ug naghatag og dugang oportunidad sa kabatan-onan sa lungsod.(IKEN B. GULLEM)
Source: Municipality of Salug-PESO