Nakabenipisyo ang mga mag-uuma sa Gutalac sa rice seeds distribution program nga gipahigayon sa Local Government Unit (LGU) of Gutalac kagahapong adlawa Mayo 11, pinaagi sa Municipal Agriculture Office ug sa pakigtambayayong sa Department of Agriculture.
Kabahin ang programa sa paningkamot sa administrasyon ni Municipal Mayor Eddie Justin Quimbo sa pagtabang sa mga mag-uuma aron mapadayon ang produktibong pagpanguma ug mapataas ang produksyon sa humay sa lungsod.
Gipangulohan ni Municipal Agriculturist Eugene Pacatang ang distribusyon sa mga binhi nga gitumong sa paghatag og dugang suporta sa mga Gutalacnon farmers ilabina sa kasamtangang panahon sa pagpangandam alang sa tanomang humay.
Sumala sa LGU Gutalac, padayon ang ilang paghatag og mga programa ug assistance alang sa agricultural sector isip kabahin sa pagsiguro sa food security ug pagpalambo sa panginabuhian sa mga komunidad sa kabanikanhan.(IKEN B. GULLEM)
Source: LGU GUTALAC-PUBLIC INFORMATION