Gipakusgan sa lokal nga panggamhanan sa Liloy ang kampanya alang sa food security pinaagi sa pagpahigayon sa Rice Information Caravan nga nagtumong sa paghatag og kahibalo ug suporta sa mga rice farmers sa lungsod.
Atol sa kalihokan, gipaambit sa mga partisipante ang mga bag-ong impormasyon bahin sa modern farming practices, sustainable rice production, ug mga programa sa gobyerno nga makatabang sa pagpalambo sa produksyon sa humay.
Giila usab sa LGU ang importante nga papel sa mga mag-uuma sa pagsiguro sa igo ug lig-on nga suplay sa pagkaon sa komunidad.
Mitambong si Mayor Roberto Lim Uy Jr. nga mipadayag sa padayon nga suporta sa administrasyon alang sa agricultural sector ug sa kaayohan sa mga mag-uuma sa Liloy.
Sumala sa LGU, ang maong caravan kabahin sa mas lapad nga paningkamot aron mapalambo ang agrikultura ug mapalig-on ang panginabuhian sa mga lokal nga mag-uuma.(IKEN B. GULLEM)
Source: Municipality of Liloy