Nakadawat og pinansyal nga tabang gikan sa Assistance to Individuals in Crisis Situation (AICS) program ang usa ka pamilya sa Barangay Biasong isip kabahin sa padayon nga serbisyo publiko sa City Government of Dipolog.
Ang benepisyaryo nga si Reina D. Pesales gihatagan og ayuda pinaagi sa City Social Welfare and Development Office (CSWDO) aron masuportahan ang medikal nga gastuhon sa iyang anak nga bag-o lang miagi og medikal nga pamaagi.
Gipunting sa lokal nga panggamhanan nga ang maong interbensyon nagtumong sa paghatag og dali nga suporta sa mga pamilyang naapektuhan sa kalit nga krisis sa panglawas, aron maminusan ang pinansyal nga burden nga ilang giatubang.
Ubos sa administrasyon ni City Mayor Roberto Y. Uy, padayon nga gipalig-on sa siyudad ang mga social protection programs aron masiguro nga ang mga serbisyong medikal ug pinansyal nga tabang maabot dayon sa mga nanginahanglan.(IKEN B. GULLEM)
Source: Dipolog City Government