Malampusong gipahigayon sa Department of Agriculture Regional Field Office IX kauban ang City Government of Dipolog pinaagi sa City Agriculture Office ang pamahagi sa Rice Competitiveness Enhancement Fund–Rice Farmers Financial Assistance niadtong Disyembre 22, 2025 sa D’Food Hub and Events Center, Dipolog Boulevard.
Sa kinatibuk-an, 980 ka rice farmers nga rehistrado sa Registry System for Basic Sectors in Agriculture ang nakabenepisyo sa programa, diin matag usa nakadawat og pito ka libo ka pesos nga pinansyal nga tabang. Mitambong usab si City Mayor Roberto Y. Uy ug mipadayag sa iyang suporta sa padayon nga tabang sa gobyerno alang sa kalambuan sa panginabuhian sa mga mag-uuma.
Ang kalihokan nagpakita sa lig-on nga panagtambayayong sa nasudnong ug lokal nga ahensya sa gobyerno sa pagpalig-on sa sektor sa agrikultura ug sa pagpausbaw sa kahimtangan sa mga rice farmer sa siyudad sa Dipolog.(JENIFFER JR. DELICA)
Photo Courtesy: Dipolog City Government