Nagpahigayon og outreach program ang Department of Health Zamboanga Peninsula Center for Health Development ubos sa pagpanguna ni Dr. Lenny Joy Johnson-Rivera alang sa mga kabataan nga giatiman sa City Social Welfare and Development Office.
Atol sa kalihokan, gitagaan ang mga benepisyaryo og nagkalain-laing kalihokan ug gagmay’ng pahalipay nga naghatag kalipay ug kahayag sa mga kabataan. Gitumong sa programa ang pagpalig-on sa kaayohan ug pag-atiman sa mga bata isip kabahin sa serbisyong pangkomunidad sa DOH.
Gipasalamatan sa DOH ang City Social Welfare and Development Office sa mainiton nga pagdawat ug sa tabang sa pagpadagan sa maong kalihokan, nga nagpalalom sa panaghiusa ug pag-atiman sa komunidad, subay sa tumong nga ang matag kinabuhi adunay bili.(JENIFFER JR. DELICA)
Photo Courtesy: DOH Zamboanga Peninsula CHD