Gipahigayon sa 1st Zamboanga del Norte Provincial Mobile Force Company, ubos sa pagpangulo ni PLTCOL Ryan Jay R. Capurcos, Force Commander, ang distribusyon sa mga flyers ug dayalogo bahin sa kampanya kontra iligal nga droga.
Pinaagi sa 2nd FOB Platoon kauban ang Dapitan City Police Station personnel, miduol ang kapulisan sa komunidad aron ipasabut ang kadautan sa iligal nga droga, lakip ang mga paagi sa pagpugong ug hustong pagreport sa mga kalihokan nga nalambigit niini.
Ang maong kalihokan nagtumong sa pagpalig-on sa kahibalo sa publiko ug pag-awhag sa aktibong partisipasyon sa komunidad aron mapadayon ang usa ka luwas ug drug-free nga palibot, isip kabahin sa padayon nga paningkamot sa PNP sa pagpanalipod sa katawhan.(JENIFFER JR. DELICA)
Photo Courtesy: Zamboanga del Norte 1st Provincial Mobile Force Company