Nagpahigayon sa ilang 2nd Quarter Staff Meeting ang Sindangan Rural Health Unit (RHU) uban ang Municipal Health Officer nga si Dr. Rex V. Samson ug mga Health Program Coordinators aron repasuhon ang mga programa ug palig-onon ang komitment sa usa ka mas client-centered ug maloloy-on nga serbisyo panglawas.
Gipasiugdahan sa maong tigum ang bukas nga komunikasyon ug panagsinabtanay tali sa mga kawani, diin gihisgutan ang mga internal nga isyu ug nakab-ot ang mga resolusyon pinaagi sa panaghiusa ug mutual nga respeto. Sumala sa mga partisipante, dako ang papel sa maong panaghisgot sa pagpalig-on sa ilang panagtrabaho isip usa ka team nga adunay komon nga tumong.
Giila usab ang kahinungdanon sa panag-uban ug kolaborasyon isip pundasyon sa padayon nga pagpaayo sa serbisyo sa RHU, nga nagpunting nga ang kalampusan sa health workforce nag-agad sa lig-on nga relasyon ug epektibong komunikasyon sa sulod sa organisasyon.(IKEN B. GULLEM)
Source: RHU Sindangan