Human sa malampusong pag-host sa 2026 Zamboanga Peninsula Regional Athletic Association (ZPRAA) Meet sa Isabela City, opisyal nang gipasa ang responsibilidad sa pag-host sa sunod nga edisyon ngadto sa Probinsya sa Zamboanga del Norte uban sa mga siyudad sa Dipolog ug Dapitan.
Gidawat sa mga lokal nga lider ang maong dungog isip usa ka dakong oportunidad dili lamang sa pagpadagan sa usa ka dako nga sporting event, kondili usab sa pagpakita sa panaghiusa, kahimtang sa kahandaan, ug mainitong pagdawat nga kinaiya sa mga Zanortehanon.
Sumala sa mga opisyal, ang pag-host sa ZPRAA 2027 nagdala og dugang nga responsibilidad ug hagit, apan kini sab giila nga usa ka higayon sa paghiusa sa tibuok probinsya alang sa usa ka komon nga tumong, ang malampusong pagpasundayag sa ilang abilidad ug garbo isip host sa rehiyon.(IKEN B. GULLEM)
Source: Gov Darel Uy