Dili matago ang kalipay ug pagpasalamat sa lokal nga institusyon sa RHU Sindangan human kini pormal nga nakadawat og Award of Partnership ug Certificate of Appreciation gikan sa Department of Education (DepEd).
Ang maong pasidungog gihatag isip pag-ila sa ilang aktibong kontribusyon sa pagpatuman sa Enhanced Basic Education Act of 2013 pinaagi sa K to 12 Work Immersion Program.
Ilawom sa Work Immersion Program, ang mga Senior High School students ginahatagan og kahigayunan nga makasinati og tinuod nga kahimtang sa trabaho, aron mas masabtan nila ang ilang napiling larangan ug mas maandam sila sa kolehiyo o trabaho.
Alang sa maong institusyon uban sa padayon nga panagtambayayong, naglaum ang duha ka sektor nga mas daghan pang estudyante ang matabangan ug mahulma nga kompetente, maluluy-on, ug responsableng miyembro sa komunidad.(IKEN B. GULLEM)
Source: RHU Sindangan