Balhog karon sa prisohan homan masikop ang usa ka bag-ong nailhan nga Street Level Individual atol sa gipatuman nga buy-bust operation sa mga operatiba mga alas 8:37 ang takna sa gabii niadtong Pebrero 11, 2026,didto sa Lubing Ogis, Barangay Galas,ning dakbayan sa Dipolog.
Ang maong dinakpan naila nga usa ka 30 anyos nga lalaki, ulitawo, walay trabaho, nailhang (SLI)ug residente sa susamang Barangay, gidakop pinaagi sa mga personahe sa Dipolog City Police Station uban sa ZNPDEU (Lead Unit), 5th SOU PNP-MG, ZDN MARPSTA ug 901st MC RMFB9.
Nasakmit gikan sa dinakpan nga suspek ang nagkadaiyang pakete nga adunay sulod sa gituohang shabu nga gibana-bana nga mutimbang sa 3 gramos ug adunay gibanabanang kantidad nga balor sa Php 20,400.00, ug mga butang nga dili druga.
Ang mga nakumpiska nga ebidensya sa droga itugyan ngadto sa Zamboanga del Norte Provincial Forensic Unit alang sa inisyal nga pagtimbang ug laboratory examination.
Samtang ang nadakpan nga suspek ipaubos sa drug testing ug dad-on sa Dipolog City Police Station alang sa detensyon ug hustong disposisyon.(MEDALYN U. BORJA)
Source: ZNPPO