Sa padayon nga paningkamot alang sa kahimsog sa kabatan-onan, ang Rural Health Unit (RHU) sa Sindangan mipartisipar sa “Healthy Mind, Healthy Lives” symposium nga gipahigayon sa Philippine Advent College.
Gipresentar ni Health Education and Promotion Officer ug HIV Program Coordinator, Marlou Joseph P. Magtajas, nga nagtudlo ug naghatag og kahibalo kabahin sa HIV/AIDS Awareness, Mental Health, ug Drug Awareness.
Tumong sa kalihukan ang pagpalig-on sa kahimsog sa pangisip ug lawas sa mga batan-on pinaagi sa hustong impormasyon ug edukasyon kabahin sa panglawas.
Gipasalamatan usab sa RHU Sindangan si Ma’am Jorelyn Badialan, AHYD Coordinator, tungod sa iyang suporta ug sa pagdumala sa RAPIDS Test alang sa mga adolescent participants.
Samtang, apil usab sa mga resource speakers si Ms. Jaira Teope, BS Psychology (Magna Cum Laude) sa MSU-IIT, ug ang Sindangan Municipal Police Station (MPS) nga mitampo og importante nga impormasyon ug kasinatian sa kalihukan.(IKEN B. GULLEM)
Source: RHU SINDANGAN