Mibisita sa kang Municipal Mayor Hon. Ismael Jr. Renquijo ang 14 ka bag-ong na-rehire nga Human Resources for Health (HRH) gikan sa Department of Health – Zamboanga Peninsula Center for Health Development nga gi-assign sa Lungsod sa Roxas.
Gilangkuban kini sa (8) ka nurses, lima (5) ka midwives, ug usa (1) ka nutritionist-dietician, uban ang Doctor to the Barrio (DTTB) nga si Dr. Roselynne Respondo ug si Ms. Gloria Oracoy, DMO IV sa Provincial DOH Office.
Pormal silang miatubang og courtesy call kang Mayor Rengquijo, kauban si Vice Mayor Rolando “Jun-jun” Yebes, mga SB Members, HRMO nga si Ms. Ellen Christine Supangan, ug Municipal Administrator nga si Mr. Nestor Gonzales.
Tumong sa HRH deployment ang pagpalig-on sa health workforce sa lokal nga pangagamhanan ug pagpaayo sa kalidad sa serbisyong panglawas alang sa mga Roxasanon, ilabi na sa mga komunidad nga mas nanginahanglan.
Apil usab sa mibisita ang bag-ong na-hire nga Pharmacist sa RHU Roxas nga si Mr. Julius Repollo, usa ka Registered Pharmacist, aron magpaila ug ipadayag ang iyang mahatag nga tabang sa panglawas sa katawhan.
Samtang, ang Rural Health Unit sa Roxas, nga gipangulohan ni Municipal Health Officer Dr. Christian Atienza, nagpasalamat sa padayon nga suporta ug kooperasyon sa DOH CHD IX ug sa LGU Roxas.(IKEN B. GULLEM)
Source: RHU ROXAS