Libre nga serbisyo medikal, legal assistance, ug circumcision ang naduol sa mga residente sa Barangay Olingan ug silingang lugar atol sa “Kuyog Ta! Medikal ug Serbisyo Caravan” nga gihimo niadtong Mayo 18 sa Olingan Relocation Site Covered Court.
Pinaagi sa maong caravan, nakadawat ang mga benepisyaryo og medical consultation, libreng tambal, legal nga tabang, ug operasyon sa tuli pinaagi sa panagtambayayong sa Provincial Government of Zamboanga del Norte, Tau Gamma Phi ug Tau Gamma Sigma Dipolog City Council, ug nagkalain-laing health agencies.
Gipangulohan sa Provincial Health Office ubos ni Dr. Benson Pananguiton ang kalihokan aron mapaduol sa komunidad ang mga batakang serbisyo nga kasagarang lisod ma-access sa ubang residente.
Gipakita usab sa maong inisyatibo ang koordinasyon tali sa gobyerno, medical workers, ug civic organizations sa paghatag og direktang serbisyo ngadto sa katawhan, ilabina sa mga komunidad nga nanginahanglan og dugang suporta panglawas ug legal.(IKEN B. GULLEM)
Source: Provincial Government of Zamboanga del Norte