Gibansay ang mga residente sa Barangay Piñamar, Roxas Zamboanga del Norte kabahin sa pagpanalipod sa kababayen-an ug kabataan pinaagi sa usa ka lecture sa Republic Act No. 9262 o ang Anti-Violence Against Women and Their Children (VAWC) Act of 2004 atol sa 1st Araw ng Barangay Piñamar.
Gipahigayon ang kalihokan sa Roxas Municipal Police Station (MPS) pinaagi ni PCpl Dyanna Rose D. Torres, Women and Children Protection Desk (WCPD) PNCO, ubos sa direktang pagdumala ni PCPT Eduardo C. Galo, Officer-in-Charge sa Roxas MPS.
Gipasabot sa mga partisipante ang mga probisyon sa balaod, ang mga katungod sa kababayen-an ug kabataan, ingon man ang importansya sa paglikay ug pagreport sa mga kaso sa VAWC.
Sumala sa Roxas MPS, ang maong inisyatiba nagtumong sa pagpalig-on sa kahibalo sa komunidad aron mapugngan ang kapintasan ug mapalambo ang usa ka luwas, malinawon, ug responsableng barangay.(IKEN B. GULLEM)
Source: PNP Pres Manuel A Roxas Municipal Police Station