Misalmot ang team sa Department of Agrarian Reform (DAR) Zamboanga del Norte sa Competency Development and Advancement Program aron mapalambo ang kahibalo ug kahanas sa administratibo ug pinansyal nga pagdumala, ilabina sa implementasyon sa Project SPLIT.
Girepresentahan ang probinsya nila Accountant Mary Cherel FL Buburan ug Budget Officer Christian Camille B. Credo, nga mitambong sa maong programa nga gipahigayon sa Manocmanoc, Malay, Aklan.
Sumala sa DAR, ang kalihokan nagtumong sa paghatag og mga update sa bag-ong procurement guidelines aron mapalig-on ang pagsunod sa mga regulasyon ug mapalambo ang kahapsay sa operasyon sa Project SPLIT.
Gipaniguro usab ni Provincial Agrarian Reform Program Officer II (PARPO II) Daisy Dell Suan Digamon nga adunay mga representante gikan sa Zamboanga del Norte nga makatambong sa panagtigom aron makadawat sa pinakabag-ong impormasyon ug giya alang sa programa.(IKEN B. GULLEM)
Source: DAR Zambonorte