Gi-served sa mga sakop sa Katipunan PNP ang warrant of arrest batok sa usa ka medic sa rebelding New People’s Army (NPA) didto sa Pagadian City Jail sa Barangay Lanienza, Pagadian City, bag-o pa lamang.
Ang suspetsado giila nga si Jenelyn Timaloy Lapas, “a.k.a. Em”, 35 anyos, balo ug lomolopyo sa Barangay Dalapan, Guipos, Zamboanga del Sur.
Nasayran nga ang Katipunan PNP ubos sa superbisyon ni PMaj. Alixie Palisoc, Acting Chief of Police ug pinaagi sa intelligence personnels inabagan sa 1st ZNPMFC, 901st MC RMFB, ZDNPIT RIU- IG ug ZNPIU, ang mingserbe sa warrant of arrest batok sa piniriso nga si Lapas didto sa Pagadian City Jail.
Ang nasangpit nga warrant gumikan sa kasong attempted murder nga gipakanaug gikan sa sala ni Hon. Judge Jose Rene Dondoyano, Branch- 6, 9th Judicial Region, Dipolog City, Zamboanga del Norte penitsahan ug Abril 5, 2021.
Samtang mobalor sa P120,000.00 ang girekomendar nga piyansa alang sa temporaryong kagawasan sa dinakpan.
Kahibaloan, nga si alias “Em” nagsilbe nga medic sa walhong pundok nga naglihok sa WMRPC.
Giila usab siya nga top 7 most wanted person sa Katipunan MPS.
(Source: Dipolog Balita Express Facebook page)