Hugot ang gihimo karon nga monitoring sa mga sakop sa Provincial Disaster Risk Reduction and Management Office (PDRRMO) sa paglihok sa yuta.
Namatikdan ang pag irog sa yuta didto sa Barangay Maigang, Lungsod sa Barili, Probinsya sa Sugbo.
Segon sa PDRRMO nga dul-an sa 40 ka mga pinuy-anan ang ang naapiktuhan sa maong pagpangliki sa yuta.
Mahinumduman nga niadto pang Enero 12,2023 namatikdan ang paglihok sa yuta gumikan sa sunod-sunod nga pag uwan.
Giplanuhan na karon sa kagamhanan sa Lungsod sa Barili ang pagpabalhin sa mga residenti aron malikayan ang disgrasya kung mudahili ang yuta sa maong lugar. (Renante Lada, photo courtesy of PDRRMO)