Gipalig-on sa Local Disaster Risk Reduction and Management Office (LDRRMO) sa Tampilisan ang kapasidad sa mga barangay pinaagi sa 3-ka adlaw nga Rapid Damage Assessment and Needs Analysis o RDANA Training nga gipahigayon didto sa Municipal Conference Room sa lungsod.
Gipangulohan ang maong kalihokan ni LDRRMO V Richard T. Loredo uban sa mga personnel sa opisina ug mga RDANA instructors gikan sa Municipal Engineering Office, GSO, Assessor, Budget, MCR, ug RHU aron masiguro ang epektibo ug organisadong pagbansay.
Mitambong sa training ang mga Barangay Captain, BDRRM Officers, Secretaries, Barangay Nutrition Scholars, Barangay Health Workers, ug Chief Tanods gikan sa mga barangay Tilubog, Cabong, Balacbaan, Tininggaan, Tubod, Sandayong, ug Situbo.
Pinaagi niini, gilauman nga mas mapalig-on ang kahanduman sa komunidad sa pag-atubang sa kalamidad ug mapadayon ang tumong sa lungsod nga mahimong mas andam ug lig-on batok sa mga emerhensya.(JENIFFER JR. DELICA)
Source: LDRRMO Tampilisan