Gitabangan dayon sa Emergency Medical Services sa Bureau of Fire Protection (BFP) ang nabiktima sa vehicular accident nga nahitabo sa Barangay Gil Sanchez, Labason, Zamboanga del Norte niadtong Mayo 2, 2026.
Miresponde sa lugar ang EMS duty personnel sa Labason Municipal Fire Station ubos sa direktang pagdumala ni Fire Inspector Joel S. Sabijon, Acting Municipal Fire Marshal, aron masiguro ang paspas nga paghatag og tabang sa biktima.
Pag-abot sa insidente, gihimo dayon sa team ang paspas apan maampingong assessment sa kondisyon sa pasyente ug gihatagan kini og unang tambal. Gilimpyohan ang mga samad ug gibutangan og hustong benda samtang giampingan ang kahimtang sa biktima.
Human sa inisyal nga pag-atiman, gidala dayon ang pasyente sa Labason District Hospital aron mahatagan pa og dugang nga medikal nga pag-atiman ug masusi pag-ayo ang iyang kahimtang.(JENIFFER JR. DELICA)
Source: BFP R9 Labason Fire Station