Gipahigayon sa Local Government Unit sa Sindangan ang mangrove planting activity niadtong Abril 30, 2026 sa Barangay RG Macias aron mapalig-on ang proteksyon sa baybayon ug kalikupan sa lungsod.
Gipangunahan ang kalihokan sa Municipal Environment and Natural Resources Office (MENRO) ubos sa liderato ni Gloriben dela Cruz, uban sa presensya ni Mayor Glona G. Labadlabad nga mitambong sa maong aktibidad.
Apil usab sa kalihokan ang walo ka personnel gikan sa Sindangan District Jail ubos sa pamunuan ni Jail Chief Inspector Arvin Dan R. Aguito nga aktibong nakiambit sa pagtanom og mangrove.
Tumong sa maong inisyatibo ang pagpalig-on sa coastal ecosystem, pagpanalipod sa kinaiyahan, ug pagdasig sa panaghiusa sa komunidad alang sa mas lunhaw ug malungtarong Sindangan.(JENIFFER JR. DELICA)
Source: Sindangan District Jail-BJMPR9