Gipanguhana mismo sa ilang Acting City Fire Marshal, pinaagi ni Fsinsp. Aprilyn B Barbaso, ang pagpahigayon og Rank Inspection, ngadto sa mga personahe sa Bureau of Fire Protection, sa Dapitan City Fire Station, nga atua nahimotang sa Sunset Boulevard sa Barangay Dawo, dakbayan sa Dapitan, ning Probinsiya sa Zamboanga Del Norte, niadtong nakalabay’ng adlaw Agusto 18, 2025.
Ang nasangpit nga Rank Inspection gipahigayon isip bahin sa “Bihis, Ayos at Ugaling Bumbero Program”, kalakip niini, gipahinumdom usab ni Fsinsp. Barbaso, ngadto sa nasangpit nga mga personahe ang mahitungod sa Delinquency Report System sa Bureau of Fire Protection, diin gihatagan niini og dakong pagtagad ang kabahin sa pagpalig-on sa Community Service, isip bahin sa tulubagon sa matag Bombero.
Matud pa, nga ang pagsuot sa ilang mga uniporme, nagpakita sa Disiplina sa ilang kaugalingon, ug pagsunod sa pinakataas nga Direktiba sa Bureau of Fire Protection, alang sa ilang tulubagon sa Publiko, para sa seguridad sa ilang mga Mehoras, lakip na usab sa kinabuhi sa matag pamilyang Pilipino.(Julius Esmade)
Source: BFP Dapitan