Mi-Courtesy Call sa buhatan ni Mayor Evelyn T. Uy, ang bag-ong Warden sa Dapitan City, pinaagi ni Jsinsp. Rey C Ballovar, kauban niini sila ni Jinsp Agustus Wilmar C Mabilog, Deputy Warden, maingon man ni SJO2 Rex H. Delos Reyes, SJO2 Joselito H. Cabalan, SJO1 Christine N. Saldariega, ug ni JO2 Jaykelyn D. Piang, niadtong nakalabay’ng adlaw Agusto 18, 2025.
Tumong sa nasangpit nga pagbisita sa mga personahe sa Bureau of Jail Management and Penology (BJMP) sa Dapitan City Jail, nga gipangunahan gyud mismo sa ilang bag-ong Warden, alang sa lig-on nga partnership niini, tali sa City Government sa Dapitan, ug kanila nga anaa sa BJMP, alang usa sa padayon nga pagtinabagangay, sa pagpabiling hapsay ug luwas nga mga pag-atiman sa mga Deprived of Liberty (PDL) nga anaa ubos sa ilang mga pagdumala.
Tungod niini, nasinatian sa nasangpit nga mga BJMP personel’s, ang mainiton nga pagdawat kanila sa buhatan ni Mayor Evelyn T. Uy, ug ilang nadungog ang pasalig sa Mayor, sa tibuok suporta niini, alang sa kaayohan sa mga PDL, nga anaa sa pasilidad nga ilang gidumala.
Nasayran nga kaniadto, dahan ang mga Programa alang sa mga PDL nga natunol, atol sa mga aktibidad, nga napahigayon sulod sa naasoy nga pasilidad, ug matud pa, nga kini malaumang magpadayon, ilabina nga kini maykalabotan sa kaayohan sa mga Person’s Deprived of Liberty (PDL), aron sa ilang pagawas sa maong pasilidad, magamit nila kini sa ilang pagpanginabuhi, kauban ang ilang mga minahal sa kinabuhi og ang tibuok katilingban.(Julius Esmade)
Source: CITY GOVERNMENT OF DAPITAN