DAVAO CITY – Gidakop ug gibalhog na sa prisuhan ang usa ka lalaki human niini gipatay ang iyang inahan sa Barangay Barra, Northern Poblacion, Plaridel.
Base sa imbestigasyon, gipatay sa suspek ang biktima human wala kini mohimo sa iyang gipangayo. Human sa krimen, gibalot sa suspek og selopin ang lawas sa iyang inahan ug gitago kini ilawom sa ilang kama.
Lima ka adlaw ang nilabay sa wala pa matimahuan sa pamilya ug mga silingan ang baho nga gikan sa balay, nga misangpot sa pagkadiskubre sa bangkay sa biktima.
Anaa na karon sa kustodiya sa kapulisan ang suspek samtang nagpadayon ang imbestigasyon.(Camille Santos Naraga)(Source: Contributed)