Aron mapalig-on ang implementasyon sa Revitalized Pulis sa Barangay (RPSB) Program sa usa ka giila nga Geographically Isolated and Disadvantaged Area (GIDA) barangay sa Salug, nagpahigayon og courtesy visit ug coordination meeting ang Zamboanga del Norte 2nd Provincial Mobile Force Company (PMFC) uban sa LGU Salug niadtong Hulyo 3.
Ang maong koordinasyon nagtumong sa pagpalig-on sa panag-uban tali sa kapulisan, lokal nga panggamhanan, ug komunidad aron mapalapdan ang paghatag sa mga batakang serbisyo sa gobyerno, mapadasig ang partisipasyon sa mga residente, ug mapalig-on ang kalinaw, kahapsay, ug kaluwasan sa target nga barangay.
Atol sa miting, gipresentar sa RPSB Team ang mga tumong, kalihokan, ug iskedyul sa implementasyon sa programa isip kabahin sa padayon nga paningkamot sa paghatag og mas episyente ug epektibong serbisyo ngadto sa komunidad.(IKEN B. GULLEM)
Source: PNP Zamboanga del Norte 2nd PMFC