Gipahigayon sa Department of Agrarian Reform (DAR) Regional Office IX, sa pakigtambayayong sa DAR Zamboanga del Norte Provincial Office, Commission on Audit (COA), ug DAR Clustered Municipal Offices sa Tampilisan ug Kalawit, ang Joint Post-Subdivision Survey Inspection ubos sa Support to Parcelization of Lands for Individual Titling (SPLIT) Project sa Barangay Pianon, Kalawit, Zamboanga del Norte.
Nagtumong ang inspeksyon sa pag-validate sa mga resulta sa subdivision survey aron masiguro nga tukma kini sa aktuwal nga kahimtang sa yuta ug nagsunod sa mga gitakdang teknikal ug legal nga pamalaod.
Lakip sa gi-inspeksyon ang landholding ni Apolonio Isic, et al., isip kabahin sa padayon nga implementasyon sa SPLIT Project nga nagpalig-on sa proseso sa pag-isyu og indibidwal nga titulo sa yuta ngadto sa mga kwalipikadong benepisyaryo.
Pinaagi sa hiniusang inspeksyon, gipalig-on sa DAR ug sa mga kaabag nga ahensya ang koordinasyon aron masiguro ang transparent, episyente, ug tukmang pagpatuman sa mga programa sa agrarian reform.(IKEN B. GULLEM)
Source: DAR Zamboanga del Norte Province