Mipahigayon sa ilang Quarterly Meeting ang mga kawani sa Provincial Agrarian Reform Coordinating Committee (PARCCOM) ug Provincial CARP Implementing Team (PCIT) Alison Plaza, dakbayan sa Dipolog Marso 30,2026.
Ang maong meeting gihimo alang sa paghiusa sa mga kaubang ahensya aron mapalig-on ang suporta sa agrarian reform beneficiaries (ARBs).
Sa maong panagtigom mitambong usab ang mga partner agencies nga gilangkuban sa Department of Trade and Industry (DTI), Technical Education and Skills Development Authority (TESDA), Cooperative Development Authority (CDA), National Irrigation Administration (NIA), Land Bank of the Philippines (LBP), Department of Agriculture (DA), ug ang Office of the Provincial Agriculturist(OPAG).
Gipaambit sa mga nasangpit nga ahensya ang mga update sa mga programa ug mga interbensyon nga gidesinyo sa pagtabang sa mga ARB sa pagpauswag sa ilang produktibidad.
Sa samang higayon,ang Provincial Agrarian Program Officer nga si (PARPO) II Daisy Dell Suan Digamon ug PARPO I Engr. Alfonso A. Tan kinsa nakigtagbo sa mga opisyales sa PARCCOM ug mga personahe sa DAR aron pagplano sa kaugmaon sa SPLIT Project sa Zamboanga del Norte isip kolaborasyong aksyon alang sa pagpalambo sa kalidad sa produkto, ug pag-access sa mas lapad nga mga merkado.
Tungon sa pag analisar sa pinakabag-ong workshop sa CSO ug feedback,masiguro sa team ang epektibong pamaagi sa reporma sa agraryo ug mga benepisyo sa agraryo.(MEDALYN U. BORJA)
Source: DAR Zamboanga del Norte