Mitambong sa gipahigayon nga 1st Quarter Council Meeting para sa Calendar Year 2026 sa Provincial Disaster Risk Reduction and Management Council (PDRR) sa Probinsiya sa Zamboanga del Norte ang Commander sa Coast Guard Station (CGS) Zamboanga del Norte, LTJG Sonny Philip E Habal PCG, uban sa Commander sa Coast Guard Sub-Station Dipolog, LTJG Allan Joel R Timbal PCG, nga gipahigayon didto sa Top Plaza Hotel, dakbayan sa Dipolog, niadtong Marso 30, 2026.
Ang maong miting, nagtigom sa mga mahinungdanong opisyal ug stakeholders gikan sa nagkalain-laing ahensya sa nasudnong gobyerno, local government units, ug partner nga organisasyon alang sa paghisgot sa mga inisyatibo kabahin sa pagpangandam sa kalamidad, mekanismo sa koordinasyon, ug mga estratehiya, proactive engagement sa pagpausbaw sa disaster preparedness, community resilience ug kapabilidad sa pag responde sulod sa probinsiya.
Ang Gobernador ning probinsya sa Zambonga del Norte nga si Gobernor Darel Dexter T. Uy kinsa mitamabong sa nasangpit nga panagtigom,mipamahayag kabahin sa paghiusa sa nagkalain-laing ahensya sa gobyerno alang sa pagseguro sa kaandam sa probinsiya gikan sa weather updates ug energy contingency plans ngadto sa public safety programs sama sa OPLAN Semana Santa 2026.
Gipamatud-an sa mga personahe sa Coast Guard ang ilang tahas isip usa ka importante nga kauban sa pagsiguro sa kaluwasan sa publiko ug pagsuporta sa hiniusang mga inisyatibo sa pagdumala sa kalamidad sa Zamboanga del Norte.
Ang pagpartisipar sa CGS Zamboanga del Norte gitumong sa pagpalig-on sa mga paningkamot sa pagpamenos ug pagdumala sa katalagman sa probinsiya, pagpasiugda sa padayon nga pasalig sa Philippine Coast Guard sa inter-agency collaboration alang kaluwasan batok kalamidad sa probinsya.(MEDALYN U. BORJA)
Source: CGS ZAMBOANGA DEL NORTE