PIÑAN, ZAMBOANGA DEL NORTE — Mas sayon ug mas luwas na ang pagbiyahe sa Barangay Segabe, Piñan human pormal nga giturn-over ang road concreting project niadtong Marso 30, 2026.
Ang maong proyekto nagpaayo sa kahimtang sa dalan, nga makatabang sa mas paspas nga transportasyon sa mga residente, ilabi na sa pagdala sa mga produkto, pag-eskwela sa mga estudyante, ug adlaw-adlaw nga pagbiyahe sa komunidad.
Gipahigayon ang turnover uban sa presensya sa mga barangay officials sa Segabe ug mga opisyal sa LGU Piñan, nga mitabang sa pagpatuman ug pagkompleto sa proyekto pinaagi sa ilang kooperasyon ug suporta.
Gilauman nga ang bag-ong konkretong dalan magpadayon sa pagduso sa kalamboan sa lugar, samtang naghatag og dugang kaharuhay ug benepisyo sa mga lumulupyo sa Barangay Segabe.(JENIFFER JR. DELICA)
Source: Mayor Rommel Gudmalin