Sa tinguhang mahatagan ug kahigayonan ang mga tawong dunay kabilinggan nga makaangkon ug trabaho o panginabuhian, gipahigayon di-pa lang dugay sa mga Persons with Disability sa Zamboanga del Norte ang Lakbay-Aral didto sa Area Vocational Rehabilitation Center (AVRC) nga nahimutang sa dakbayan sa Zamboanga.
Misalmot sa Lakbay-Aral sa ARC ang mga PDAO heads, PWD Presidents, ug mga focal persons gikan sa Dakbayan sa Dipolog ug Dapitan, ingon man nagkalainlaing kalungsuran dinhi sa Zamboanga del Norte. Ang 19 ka mga partisipantes sa Lakbay-Aral nagagikan sa lungsod sa La Libertad, Sibutad, Polanco (2), Piñan, Mutia, Leon Postigo (2), Salug, Jose Dalman, Siayan, Labason, Tampilisan (2), Gutalac, Baliguian (2) ug Siocon.
Ang Area Vocational Rehabilitation Center(AVRC) for persons with disabilities maoy usa ka pasilidad sa gobyerno nga gidesinyo aron mohatag ug serbisyo sa mga tawong dunay kabilinggan nga makapangandam alang siguro ug mapabilin ang nakahuluganong pagpanarbaho. Kining maong sentro maghatag ug gahom sa mga PWDs pinaagi sa paghatag halapad nga suporta, training ug galamiton nga motabang kanila pagbuntog sa mga sagabal sa ilang pagpanarbaho.
Ang pinaka-misyon sa AVRC nga mapalambo ang independence ug self-sufficiency sa mga PWDs pinaagi sab ag-improve sa ilang vocational skills, ug masiguro ang patas nga kahigayonan sa pagpanarbaho. Kini makab-ot sa pinaagi sa hugtanong pakiglambigit sa mga maalamon aron ma-assess ang ilang katakus, interests, ug panginahanglan aron mamugna ang rehabilitation plan nga maglakip sa skills development, educational programs ug suporta aron masagop ang nagpanghitabo palibot sa ilugar nga ilang gitrabahoan. Usa sa mga nag-unag serbisyo nga gihatag niining maong training center mao ang job training.
Ang AVRC nagtanyag ug specialized training programs sa nagkalain-laing lugar sama sa computer skills, office work, manufacturing, ug retail nga tukma niadtong mga tawong dunay nagkalain-laing kabilinggan. Kining maong pagbansay-bansay makatabang sa mga poartisipantes nga makaangkon ug bag-ong ablidad o pag-improve sa ilang kasamtangang abilidad aron madugangan ang ilang kahigayonang makatrabaho ug mas ` Dugang pa gayod niini, nagtanyag usab ang AVRC ug assistive technology services, aron maka-angkon ang mga PWDs ug access sa nagkalain-laing kagamitan sama sa software nga makatabang kanila aron epektibopng matuman ang ilang mga tahas.
Kining maong mga teknolohiya naglakip sa screen readers, adoptive keyboards, o voice recognition software nga makatabang sa mga tawong dunay physical, sensory o cognitive impairments nga maka-apektar sa ilang gimbuhaton. Laing pang mahinungdanong serbisyo sa AVRC mao ang job placement assistance diin ang AVRC makiglabigit sa mga local employers pag-ila sa mga job opportunities nga tukma alang sa mga PWDs.
Kini naglakip sa job coaching diin ang usa ka job professional motabang kanila pag-adjust sa ilang bag-ong papel pinaagi sa paggiya ug pagsuporta kanila panahon sa transition period. Sa samang higayon nagpadayon usab ang AVRC paghatag sa ilang naandang suporta pagtabang sa mga PWDs pag-atubang sa mga hagit nga motumaw diha sa ilang gitrabahoan. Samtang sa laing bahin, nagsilbi usab ang AVRC isip tinubdan consultants para sa mga employers, unsaon nga mahimong mas inclusive ug accessible ang ilang workplace, pinaagi sa pagmodify sa work environment ug pag-adjust sa job responsibilities ug paghatag ug suporta sa mga PSWDs.
Pinaagi niining mga komprehensibong serbisyo, ang AVRC dunay mahinungdanong papel pagsiguro nga ang mga PSWDs makaangkon ug kahimanan, suporta, ug oportunidad alang sa makahuluganon ug malungtarong career alang kanila.(Angelica T. Obina)
SOURCE: PIC-ATRuda