Usa ka Turn-over Ceremony ang malampusong napahigayon sa 3 ka computer units alang sa “STARBOOKS” (Science and Technology Academic and Research-Based Openly Operated KioskS) Marso 24,2025 didto sa Amphitheatre, Government Center.
Ang maong seremonyas gipangulohan sa Mayor sa dakbayan sa Dapitan nga si Mayor Seth Frederick “Bullet” P. Jalosjos,diin gipahigayon kini uban sa pakigtambayayong sa Department of Science and Technology (DOST) IX, nga girepresentahan ni March G. Cachin Supervising Science & Research Specialist, inabagan sa Provincial Science & Technology Office (PSTO) personnel, ug City Councilor Hon. Joseph Ryan A. Agolong.
Ang San Nicolas Elementary School, Aseniero National High School, ug Dampalan Elementary School mao pipila sa mga tunghaan ang hingpit nga nakabenepisyo sa maong programa,ang matag usa nakadawat ug usa ka STARBOOKS computer unit diin ubos sa Memorandum of Agreement (MOA) nga pormal nga gipirmahan tali sa DOST ug sa nakadawat nga mga eskwelahan, nga nagpalig-on sa ilang pasalig sa long-term nga kalampusan sa programa.
Si Jocelyn E. Acorin, Principal sa San Nicolas Elementary School, nipadayag sa iyang bug-os nga pasalamat alang sa mga tunghaan nga nakadawat, kini nagpakita sa lig-on nga pasalig sa pagpauswag sa edukasyon pinaagi sa kabag-ohan,usa ka mahinungdanong kalihokan makapa lugway sa laraw sa bag-ong teknolohiya,makatabang sa paghatag og accessible nga mga kapa nguhaan sa edukasyon, nagpalambo sa siyentipikanhong pagkama-usisaon ug tibuok kinabuhi nga pagkat-on.
Nagtanyag ang “STARBOOKS” ug usa ka halapad nga koleksyon sa mga interactive nga materyal sa pagkat-on ug sulud sa panukiduki, nagpauswag sa pagtudlo sa klase ug independente nga pagtuon nga makapauswag pag-ayo sa kasinatian sa pagkat-on sa mga estudyante sa edukasyon ug maghatag gahum sa mga magtutudlo sa mga kinahanglanon nga kapanguhaan alang sa kalidad sa ilang pagkat-on.(Medalyn U. Borja)
Source: City Government of Dapitan