Gipahigayon ang public hearing sa gilarawang Animal Welfare Code sa Dakbayan sa Dipolog niadtong Hulyo 9 sa Session Hall sa Sangguniang Panlungsod aron hisgutan ang mga polisiya nga may kalabotan sa kaayohan sa mga hayop ug responsableng pag-atiman sa mga binuhi.
Gipangunahan ang hearing ni City Councilor Atty. Raul C. Barbaso ug gitambongan ni City Veterinarian Dr. Imelda R. Villacrucis, City Councilor Atty. Roseller L. Barinaga nga maoy nagmugna sa maong ordinansa, uban sa ubang mga stakeholder.
Gihisgutan sa mga partisipante ang mga probisyon sa gilarawang ordinansa nga nagtumong sa pagpalig-on sa mga lagda sa dakbayan bahin sa animal welfare ug responsableng pagpamuhi og mga hayop.
Padayon pa ang deliberasyon sa Sangguniang Panlungsod samtang nagpadayon kini sa pagdawat og mga suhestiyon ug rekomendasyon gikan sa mga stakeholder aron mapalambo ang maong ordinansa.(JENIFFER JR. DELICA)
Source: Dipolog City Government