El 54th Engineer “Sarangay” Brigade del Philippine Army, ya sale exitoso na conducida del Annual General Inspection, que ya conduci na cuartel del brigada locao na Barrio Cabatangan, Zamboanga City.
Ya encavesa con el inspeccion, si Major General Isagani O. Criste, Inspector General del Philippine Army, junto conel miembros del inspection team, donde sila el ya ayuda juzga con el, en general actuacion y cumplimiento del brigada sobre na standards set del Ejercito de Filipinas.
Mientras, si Brigadier General Darwin F. Hernandez, el Comandante del 54th Engineer Brigade, el ya recibi con el inspection team junto conel personajes oficial de estado mayor de brigada y maga personal clave.
Durante el sesion de informacion de mando, ya presenta si Brigadier General Hernandez el maga mayor acomplisimiento del unit y enfatizando el excelente en general valuacion del 2025 Annual General Inspection, destacando el fuerza compromiso del brigada na preparacion del operacion, eficiente administracion, y el excelencia organizacion.
El Annual General Inspection, ta servi este como un comprensivo evaluacion del maga capabilidad operacion del Brigade, como el logistica, administracion con el maga personajes, procedimiento de administrativo, y adherencia para na military standards.
Ademas, ta promove tambien este el responsabilidad, profesionalismo, y continuando mejoramiento para na aseguramiento, que esta el unit el diila completamente preparacion para cumpli el maga mision na apoyo del Ejercito de Filipinas.
Photos courtesy via: 54th Engineer “Sarangay” Brigade