Usa ka public comfort room nga adunay tulo ka cubicle ang pormal nga giturn-over sa Lokal nga Gobyerno sa Salug ngadto sa Barangay Liguac niadtong Hunyo 30.
Ang proyekto, nga nagkantidad og ₱314,376.24, gipangunahan ni Mayor Dr. Ruth M. Brillantes uban sa mga opisyal sa barangay ug mga representante sa lokal nga panggamhanan.
Gilauman nga ang maong pasilidad makahatag og limpyo, luwas ug hapsay nga kasilyas alang sa mga residente, isip kabahin sa padayon nga pagpalambo sa batakang serbisyo ug imprastraktura sa lungsod.
Giawhag usab sa lokal nga gobyerno ang komunidad sa husto nga paggamit ug pag-amping sa maong pasilidad aron mapadayon ang kaayohan niini alang sa tanang residente.(IKEN B. GULLEM)
Source: Municipality of Salug