Nanguna ang lungsod sa Piñan sa resulta sa Monitoring and Evaluation of Local Level Plan Implementation Protocol (MELLPI Pro) nga gipadayag atol sa 2nd Quarter Provincial Nutrition Council (PNC) Meeting niadtong Hunyo 30, 2026 sa Dipolog City.
Base sa evaluation, nakakuha ang Piñan og 96.54 nga score, gisundan sa Jose Dalman nga adunay 94.58 ug Manukan nga adunay 92.85. Ang assessment gibase sa performance sa matag lokal nga panggamhanan sa pagpatuman sa mga programa sa nutrisyon alang sa ilang mga komunidad.
Sa Municipal Nutrition Action Officer (MNAO) ranking, nanguna ang Mutia nga adunay 99% nga score, samtang sa Municipal Nutrition Program Coordinator (MNPC) ranking, nagtapos nga nagtabla sa 99% ang Jose Dalman, Manukan ug Mutia, diin gigamit ang kinatibuk-ang LGU score aron matino ang final ranking.
Atol sa meeting, gipadayag usab sa mga evaluators nga adunay pipila ka LGUs nga wala makapag-update sa ilang Local Nutrition Action Plan (LNAP), limitado ang mga programa sa nutrisyon, ug adunay mga lugar nga taas gihapon ang ihap sa mga batang ubos og timbang alang sa ilang pangidaron. Nahisgutan usab ang mga kalihokan alang sa umaabot nga Nutrition Month ug gipresentar sa Zuellig Family Foundation ang NutriLEAP program isip suporta sa pagpalig-on sa mga nutrition initiatives sa lalawigan.(JENIFFER JR. DELICA)
Source: Zamboanga del Norte Provincial News Network