Malampusong napahigayon ang scholarship exam alang sa Provincial Scholarship and Educational Assistance o PSEdA Program sa Zamboanga del Norte niadtong Abril 19, diin kapin duha ka libo ka aplikante ang mitambong.
Kabahin ang eksaminasyon sa pagpili sa mga takos nga benepisyaryo nga pagahatagan og kahigayonan makapadayon sa kolehiyo ug teknikal nga kurso.
Sumala sa Provincial Government, gitumong sa programa ang pagtabang sa mga kabatan-onan nga kulang og pinansyal, ilabi na kadtong adunay maayong performance sa eskwela ug lig-on nga tinguha makagraduate.
Gipahibalo nga ipagawas ang resulta human sa ebalwasyon, samtang gipasiugda nga ang programa usa ka dakong suporta sa edukasyon ug kaugmaon sa kabatan-onan sa probinsya.(JENIFFER JR. DELICA)
Source: Zamboanga del Norte Provincial News Network