Sikop ang usa ka lalaki nga nag atubang sa kasong Attempted homicide pinaagi sa pagsilbi sa warrant of arrest sa mga personahe sa Polanco MPS, mga ala 1:30 sa hapon niadtong Abril 21, 2026, didto Poblacion North, Polanco, Zamboanga del Norte.
Nailhan ang dinakpan nga si alyas nga si “Joel” , 41 anyos, residente sa Purok Talisay, Barangay Milad, Polanco, Zamboanga del Norte.
Nalista isip Person Under Police Custody (PUPC) sa Polanco MPS kinsa gisilbihan sa warrant of arrest tungod sa kasong Attempted Homicide nga gi-isyu sa Presiding Judge sa Municipal Trial Court, Ninth Judicial Region, Polanco, Zamboanga del Norte, gipetsahan og Abril 21, 2026,nga adunay piyansa nga Php 12,000.00 para sa iyang temporaryong kagawasan.
Ang akusado gipahibalo sa kinaiya sa iyang pagkadakop ug gipahibalo sa iyang mga katungod sa konstitusyon ug anaa na kini karon sa kustodiya sa Polanco MPS alang sa hustong disposisyon.(MEDALYN U. BORJA)
Source: ZNPPO