LILOY, ZAMBOANGA DEL NORTE — Malampusong gipahigayon ang upat ka adlaw nga Local Disaster Risk Reduction and Management Plan (LDRRMP) Workshop sa Municipality of Liloy uban sa Office of Civil Defense Region IX.
Gipunting sa maong kalihokan ang pag-update ug pagpalig-on sa disaster plans aron mas matubag ang kasamtangan ug umaabot nga mga risgo, samtang gipalig-on usab ang koordinasyon tali sa LGU offices, responders, ug partner agencies alang sa mas episyente nga pagresponde sa emerhensya.
Gipalambo usab ang kahibalo ug kahanas sa mga partisipante sa disaster risk management, lakip na ang hustong pag-andam, pagresponde, ug pag-recover sa panahon sa kalamidad.
Giklaro usab ang mga prayoridad nga programa, proyekto, ug panginahanglan sa resources aron masiguro nga ang mga lakang sa kaluwasan klaro, organisado, ug naka-focus sa proteksyon sa komunidad.(JENIFFER JR. DELICA)
Source: LDRRMO Liloy