Mitambong si Provincial Director Mario A. Baterna sa gipahigayong Provincial Disaster Risk Reduction and Management (DRRM) General Assembly, nga adunay temang “Strengthening Local Capacities for Resilient Communities” didto sa Zamboanga del Norte Convention and Sports Center.
Ang asembliya nagtipon sa DRRM Officers, mga mayor, department heads, regional agencies, ug key stakeholders gikan sa tibuok probinsya. Tumong sa panagtigom ang pagpalig-on sa lokal nga kapasidad sa disaster preparedness pinaagi sa pagpaambit ug kaalam, pag-uyon sa mga polisiya, ug paggamit sa husto nga datos aron makabuhat ug tukmang desisyon sa panahon sa emerhensiya.
Sumala sa organizers, ang maong kalihokan usa ka lakang aron mapatukod ang mas lig-on, mas luwas, ug mas andam nga mga komunidad sa Zamboanga del Norte.(IKEN B. GULLEM)
Source: DILG Zamboanga del Norte