Nagpahigayon ug pagbansay kabahin sa Nutrition and Feed Management alang sa mga miyembro sa Bandela SLP Association ang National Irrigation Administration (NIA) Zamboanga del Norte Regional Sub-Office, kauban ang Department of Social Welfare and Development (DSWD) ubos sa Sustainable Livelihood Program (SLP) ug ang Local Government Unit (LGU) sa Roxas, nga gipahigayon sa Brgy. Denoman, Roxas.
Ang aktibidad nagtumong sa paghatag ug praktikal nga kahibalo bahin sa hustong pag-atiman sa hayop, epektibong pagpaka, ug paglikay sa sakit aron mapalambo ang ilang Hog Raising Project. Gitun-an sa mga partisipante ang feed formulation, balanced nutrition, disease prevention, ug cost-efficient production strategies.
Gipasiugda usab sa training ang kahinungdanon sa limpyo nga housing condition ug responsableng pagdumala sa mga hayop aron malikayan ang pagkawala sa produksyon. Nagpasalamat ang Bandela SLP Association sa NIA, DSWD, ug LGU Roxas sa padayon nga suporta ug misaad nga gamiton ang ilang nahibaluan aron mapalig-on ang ilang panginabuhi sa hog raising nga nagpalig-on sa komunidad sa Zamboanga del Norte.(IKEN B. GULLEM)
Source: NIA Zamboanga Peninsula