Nagpahigayon og courtesy visit ang mga opisyal sa National Telecommunications Commission (NTC) Region IX ngadto kang City Mayor Roberto Y. Uy niadtong Hunyo 17 aron hisgutan ang pagtukod sa opisina sa NTC sa Dakbayan sa Dipolog.
Gisugdan ang panagtigom ni Regional Director Erle V. Galo, CPA, PMA kauban si Leo S. Dela Peña, NTC Dipolog Focal Person. Tumong sa ilang pagbisita ang paglatid sa mga lakang alang sa umaabot nga establisemento sa opisina sa NTC sa siyudad.
Kauban sa maong pagpanghisgot sila Engr. Albert S. Alimpulos, City Planning and Development Coordinator; Arch. Benedict Y. Calibo, City Building Official; ug Atty. Goldie Love P. Gonzales, City Legal Officer.
Gipasiugda sa maong miting ang nagkakusog nga panagtambayayong tali sa NTC ug sa City Government of Dipolog, ilabi na human sa pagdonar sa siyudad og luna nga pagatukoran sa proposed NTC office building.(IKEN B. GULLEM)
Source: Dipolog City Government